Ao faagasolo ai le taamilosaga lona lua, o le miliona tala a itumalo, ae ua folafola mai e le tala faasoasoa ole tupe, 2024-2025, le manoa ai nei o le $51,000,000 mo le Polokalame mo Ati’ina’e o Itumalo .
E ese mai le tupe faasoa soa a le Matagaluega o Tina ma Tamaitai, Ati’inae o Nuu, Afioaga ma Agafeso’otai – $65,665,347
Mo Galuega Faatino a Matagaluega – $11,856,500 faatasi a ma Galuega e Avea ai ma Sui o le Malo – $53,808,847 –
Saunoa foi le Minisita o tupe Lautimuia Afoa Uelese Vaai, e tusa ma le $171.1 miliona tala le aofaiga o tupe fa’ameaalofa o lo’o fuafua e
tu’uina mai mo le fa’atinoga o ati’ina’e tetele a le Malo.
O le si’itaga maualuga ua fa’amausali ai le lagolago a tatou Paaga mo Ati’ina’e aua le fa’atupeina o polokalame a Vaega Maoti o le tamaoaiga, aemaise i Vaega Maoti o Felauaiga ma Ati’ina’e Tetele, Fa’atoaga ma Faiga Faiva, Si’osi’omaga, Soifua Maloloina ma A’oaoga.
Na ia faailoa foi, se vaegatupe lē Fuafuaina a le Malo mo le Tala o le Tupe 2024/2025 e $24.1 miliona tala, e tusa lea ma le 3% o le aofaiga o Polokalame o Tupe Alu.
