Ao faia ai sueseuga a leoleo i le alii 44 tausaga mai e Vaimauga, ina ua maua ai e le ofisa o le tiute ni fualaau faasaina, ile taunuu ane ai ile malaevaalele i Faleolo ile faaiuga o le vaiaso.
Ae o lea ua lipotia mai e leoleo ile vaiaso nei, le latou galuega sa fa’atino ai e le Ofisa o Leoleo i Tuasivi i se aiga i Fatausi Safotulafai ma maua mai ai ni taga pepa iila o loo iai i totonu ni pauta papae e masalomia o le fualaau fa’asaina o le aisa fa’atasi ai ma se tinoitupe. Na taofia mai ai e Leoleo se tama e 53 tausaga o Fatausi Safotulafai mai lenei galuega sa fa’atinoina.
E momoli atu ai le agaga o le fa’afetai i le mamalu o le atunuu o loo fa’apea ona fa’aauau pea la latou lagolago i galuega a le Matagaluega mo le tafiesea o fualaau fa’asaina mai le aafia ai o si o tatou atunuu aemaise lava le tupulaga lalovaoa o Samoa.
