Ua faaauau mai ai ile vaiaso nei nisi o polokalame faagasolo a le Matagaluega o le Soifua Maloloina i tua i nuu ma afioaga.
O lenei polokalame pei ona faailoa mai e le itulau a le Matagaluega o le Soifua maloloina o le agai lea tua o le aufaigaluega ma faia ni a’oa’oga faa le soifua maloloina ia fesoasoani lea e faaa pupula ma faa malamalama.
I sui o Nu’u ma Afioaga e ala i Puipuiga o fa’ama’i ogaoga ma fa’ama’i le pipisi e pei o le suka, toto maualuga, kanesa ma isi.
Fa’atasi ai ma le a’oa’oina o sui filifilia o nu’u ma afioaga ta’itasi i le fuaina o le suka ma le toto, aofia ai ma le fuaina o le mamafa talafeagai, ina ia mafai e latou nei ua filifilia ona fa’aauauina le polokalame i totonu o latou lava Nu’u ma Afioaga.
Ma o le vaiaso na te’a ne’i (Aso 17-Aso 21, Iulai) sa auai ai nisi o le Matagaluega i Upolu nei fa’atasi ai ma sui o le Falema’i fa’a-itu-malo i Safotu e fa’atino nei polokalame ma vaevaeina ai le aufaigaluega mo Nu’u ma Afioga o le Itumalo o Gagaifomauga. (Faletagaloa, Matavai, Lefagaoalii, Fatuvalu, Fagae’e, Sasina, Letui, Aopo).
O le ‘auga lava ma le fa’amoemoe o lenei polokalame fa’alauiloa ina ia mafai ona fa’aa’oa’o le mamalu lautele o le atunuu ia iloa ma silafia ona tulaga talafeagai e tausia ai ma faatumauina ai le soifua maloloina lelei.
Ma ua faagasolo ai lenei polokalame i isi itumalo o le motu tele e lei oo iai nei aoaoga taua.
