Mai le Ofisa o leoleo, o loo faia ai nei suesuega a le matagaluega, ile maliu faafuasei ole tama talavou ile po ole Aso Sa na te’a nei.
Ole faaletonu na tupu mai ile nuu o Amaile, ise faiga suavai.
E lei maua se tatou tala mai le Komesina o leoleo, peita’i o ta’ua ele Sui Komesina ia Papalii Monalisa Tia’i Keti, ile Radio Samoa, ole alii talavou sa ile faiga suavai a le latou nuu, ile po o le Aso Sa.
Ae ole faaolaina ole sulu e fai ai fea’u o le suavai ma aafia ai, e masalomia na uila.
Ma o loo tuliloaina e leoleo lea faaletonu.
O le fautuaga a le Matagaluega, o le ave ole faataua ile puipuiga ole saogalemu, o fanau.
Pei foi ona molimauina le taofia ai ose atalii ile falemai, i Motootua, talu le manu’aga mai se a’upega, sa faatalale ona teu malu puipuia.
O lena faaletonu na tupu mai Falealili ma o loo tuliloa foi e leoleo lena manu’aga, ma e le’o iai se isi ua molia ile taimi nei.
