O loo faagasolo se sueseuga a le Matagaluega o leoleo ma le Matagaluega o tiute ma tupe maua i fualaau faasaina o le mariuana lea na maua ananafi e tusa lona mamafa ma le 489.8 kalama.
Taua i se pepa o faamatalaga o le galulue faatasi o le vaega tuufaatasi o Taifau sosogi a Matagaluega nei e lua.
Ma le fesoasoani a alii faufautua o le polokalame o taifau o le Pasefika, ma le ofisa tiute a Niusila na mafua ai ona maua nei fualaau faasaina.
Maua i suesuega a Matagaluega o nei maruiana e gaosia ise auala ua e oomi ia maopo lelei ua taua o le Hash i le faaperetania. E le mafai ona gaosia i nei i Samoa ma mautinoa ai o nei laau faasaina na aumai mai atunuu e mamao.
Ma oloo faagasolo pea suesueaga a le Matagaluega o leoleo, ma le Matagaluega o tiute ma tupe maua ina ia mautinoa oloo puipuia le lotoi fale o le tatou atunuu mai nei fualaau faasaina.
