Tala tuliloa mai le maliu faafuasei ai ose tamaitai tusi solo lauiloa i Amerika Samoa,Carolina Gabbard ile maota ole tasi o tusisolo lauiloa i Samoa tutoatasi, Papalii Sia Figiel i Vaivae uta ile faaiuga o le vaiaso,
Ao iai i lalo ole vaaiga a leoleo le Susuga a Papali , a’o faia iai suesuega a leoleo.
E ui ina toe alu ane lava ia ile ofisa o leoleo ile Aso Sa na Sosoo ai ma ta’u i leoleo le faalavelave o ta’ua i luga.
Peitai ise tatou faatalanoaga ma se vaega o ana paaga poo tagata e latalata i le Susuga a Papalii, sa maitauina ai le foliga e iai ni aafiaga ole mafaufau o lea tamaitai tusisolo.
E ui ile tele o ona itu lelei o loo talanoaina ma ona uiga vaaia i taimi feiloaiga, peita’i sa iai foi se vaega o ana paaga, na tatou faatalanoaina, le faaeteete gata foi o foliga atagia o lea tamaitai i nisi o taimi.
Ole faaletonu lea na tupu ile afiafi ole aso Toonai pei ona ia ta’u ile tagata e sootaga ile paaga a tatou tala fou.
Ma foliga mai ai, o se lavea’i mo ia, lea na sulufai atu ai ise tasi o aiga e masani lelei ai i Lotofaga.
Ole aiga lena e iai tomai faapitoa mo ituaiga o foliga ma lagona ae o laasaga o ituaiga tagata faapea, ma fautuaina ai loa e o ile ofisa o leoleo.
Ma faapeana ai lava ona malie le Susuga papalii e oo ane ile ofisa o leoleo,
ma faagasolo ai loa suesuega a leoleo, lea na maua atu ai le tino maliu o le tamaitai tusisolo lauiloa ma Tutuia, ole faiaoga polofesa, faiaoga, afioga a Ms Gabbard.
E momoli atu ai faamaisega ma faamafanafanaga i finagalo faavauvau o aiga ma tauaiga, ae o uo ma e masani ona o le maliu faafuasei o se tasi sa pele ,
Ae tatou te tuliloaina pea lenei mataupu .
