3 Fepuari, 2025 Samoa – O le lona tolu ai lenei aso talu ona tapunia uma faitoto’a ulufale ile lotoa ole falemai tele i Motootua, amata atu ile 10 ile po ile ono ile taeao. Vagana ai faitoto’a e lua mo le falefailele ma le faitoto’a mo gasegase tigaina ma faalavelave faafuase’i. O ta’ua e le faalauiloa a le pulega o le falema’i tele, o le ‘a iai lava leoleo fanua e vaaia na faitoto’a.
Ae ole mafuaaga ina ia taofia le soona ulufale o tagata, e le’o faigaluega ma taavale ile lotoa,
Ma le taofia o le toesea mai o mea totino mai totonu o le maota gasegase, ofisa ma le lotoa.
Ma le tausiga o le filemu ma le saogalemu ole aufaigaluega, ile taimi faatino o galuega.
Ua fautuaina foi le mamalu asiasi ane ile falema’i ina ia galulue faatasi ai mose masina e mata’itu pe iai se suiga o lea laasaga ile puleaina ole maota gasegase ole Tupua Tamasese Meaolo Motootua.
