Ua talia aloaia a nei e le pulega o le Samoa Family Health le talosaga a le Asosi o Tusitala a Samoa, mose faapaaga e ala i se faatalanoaga faalauaitele o tulaga tau soifua manuia aemaise o le itupa o tamaitai faasalalau.
O lesi lea laasaga o le faapaaga a le JAWS ma le National Council of Women Alliance. Na maua mai ai le seleni e faatino ai le faamoemoe lenei ile va ole Samoa Family Health ma le tamaitai faasalalau a le JAWS.
Ma ose avanoa sili lea mo tina ma tamaitai talavou ile lipotia mea tutupu i le atunuu, e toe mata’itua ai o latou Soifua maloloina , faavanoa le taimi e ave ai le faataua ile soifua manuia.
Ua valaaulia ai e le Pulega o le vasega o tusitala, JAWS, le afioga a Lealaiauloto Liai Iosefa Siitia, ise faasoa fesaga’i i le mataupu o ta’ua i luga.
Ole afioga a Lealaiauloto, ua silia i le 40 tausaga o galue faatamaitai tausi soifua, tamaitai foma’i pasi, ole Pule Faatonu o le Samoa Family Health.
Ma valaaulia ai tamaitai uma o galulue i totonu o galuega faatusitala ile faatalatalanoaga fesaga’i faasoa ai manuia o le soifua agai i luma o tina faasalalau. I le ofisa ole Samoa Family Health i Motootua, mo le lua itula, 10-12 Aso Tofi 11 Aukuso.
