Faatalanoa se faatanaga o solo taavale

SHARE NOW

Ua talosagaina ai nei le Matagaluega o Leoleo ma Falepuipui mo se faatanaga e alu ai se solo a taavale male filemu i le taulaga, mo le tapuaiga ole taaloga a le Manu Samoa ma le Toa Samoa i le faaiuga o le Vaiaso nei.

E le’i ta’ua maia e le sui Komesina o le Matagaluega o Leoleo ma Falepuipui, Susuga Leiataua Samuelu Afamasaga poo ai na talosaga peita’i na ona faapea mai ose solo a taavale ale au fai taavale ile atunuu, peita’i e le’i avea iai se tali mautu, ae o le’a fono ile aso Tofi o le vaiaso nei ma e na talosaga atu.

Ae o le mataupu i tamaiti aoga, na fetaua’i ile taulaga, Saunoa Afamasaga, ua uma ona oo atu le Pulega ole Matagaluega o Leoleo i le Kolisi o Leififi ma le Kolisi o ¬†Saint Joseph. Sa maua le latou feiloaiga ma faiaoga, ae o matua, mo le tausisia o le tausiga o le filemu, ae o faiaoga i le latou foi ia pito laau, mo le faaititia o le vevesi .

I le feiloaiga lava lea a le Sui Komesina o Leoleo ma Tusitala i le vaiaso nei, na ia faailoa mai ai foi: ua molia ai nei e leoleo le tama ia Vaa Brown o Toamua, i lona faaoomanu’a ini tamaiti aoga se to’alua. Na ave tamaiti aoga i le falema’i mo togafitiga ma toe tete’a i tua i le aso lava lea.

Ae ua tatala i tua le tama ia Vaa e faatali ai le valaauga o lana mataupu ile faamasinoga i le aso 6 ole masina fou o Tesema.

Peita’i e valu alii aoga na aafia i lea fetauaiga, e aofia ai le to’a lima St Joseph, tasi Maluafou male lua Leififi.

Ole Aso Gafua ole vaiaso nei na maua ai e leoleo ni tama aoga o faaaupegaina i maa i totonu ose pasi, na avatu i le ofisa sa fai suesuega ma toe tatala i tua.