Fa’atalanoaina le NUS ma le APTC ia le faiga o tusi apalai mo galuega

SHARE NOW

E le taumate le toatele o alo ma fanau o lo’o loma a latou fa’au’uga ma agai atu ai i le tulaga o le sailia o avanoa faigaluega i le faaiuga o lenei tausaga.

O le Application letter [tusi talosaga], o le Curricular Vitae [CV], ma le interview [faatalatalanoaga], ma reference poo faamaoniga o vaega taua ia e matuai manaomia mo le sailiina o galuega.

 Peitai i faamaumauga a le Pulega a le Matagaluaega o Punaoa Alamanuia ma Labour, Afioga Sa’u Taupisi i le latou folasaga i se Mafutaga Fa’a A’oa’oga [workshop] faapa’aga a le Iunivesite Aoao o Samoa ma le aoga Ausetalia APTC.

E matuai pa’u maualalo le pasene o i latou e mafai ona apply mo galuega ona o lei lava o se silafia ma le malamalama i le faagasologa o auala ma tusi faamaonia e agavaa ai se tama ma se teine aoga,

Saunoa Sa’u, e 18afe le aofai o alii ma tamaitai na mafai ona tuuina atu totonu tusi apply mo galuega i le tausaga 2019.

Ae i se folasaga mai le sui o le Faletalimalo Tanoa Tusitala, ia Keleni Ropati e toatele alo ma fanau na tuuina atu tusi apply mo ni galuega na’o sina taimi [part time] peitai e lei mafai ona latou taliaina ona o lei lava o le tomai ma le agavaa oloo tuu atu i faamaumauga [CV] e avea ai ma tagata faigaluega. 

Ae na faamatala auiliili e le Sui Pule a le Iunivesite le Afioga ia Peseta Dr. Desmond Lee Hang o le ‘auga ma le faamoemoe o le Mafutaga Fa’alea’oa’oga faipa’aga a le Iunivesite Aoao o Samoa ma le APTC o le faamalamalama lea ma faataitai i alo ma fanau le tusia ina lea o tusi apply ma faamatalaga aloaia ma le talafeagai e tatau ona tuuina i soo se tusi Apply ma agavaa aim o se galuega.

E lua aso oloo faatautaia ai le Mafutaga Faaleaoaoga faipa’aga lea a le Iunivesite Aoao o Samoa ma le APTC aso Tofi ma le Aso Faraile, i le faleta’alo a le NUS ma e silia ma le 30 alo ma fanau na auai.

 Na o fanau e fa’au’u le tausaga nei oloo i lalo o le Faatufugaga a le Inisinia ma le Faakamuta ma le APTC e auai le aso muamua, ae o le aso lona lua aso Faraile 26 o Novema olea auai uma loa Faatufugaga eseese o loo le Iunivesite.