Faatali pea le Nafanua III mai ia Ausetalia

SHARE NOW

A’o faaaoga ai e Samoa le Vaa fagota e faatino ai ana galuega leoleo o le gataifale ile taimi nei,

Ae ua faamautinoa mai e le afioga i le Komesina o le Matagaluega o Leoleo ma Falepuipui, Auapaau Logoitino Filipo, i le tatou tala lipotia na tuuina atu muamua atu,  e lua vaa ua folifoli mai pe’a tusa ai ma fuafuaga.

E aofia ai le ofo a le malo o Iapani. E ese mai le vaa, ua folafola mai foi e le malo o Ausetalia lea ua iai le fuafuaga e tuuina mai i le faaiuga o le tausaga nei.poo le masina foi lenei.

Ole vaa na ofo mai e Iapani, ile tau e $18miliona tala, ina ua leaga le Nafanua ll, $30miliona tala na faatupe e le malo o Ausetalia mo lana polokalame puipuiga o le gataifale o le Pasefika.

Ae o le masina talu ai na ofo mai ai foi e le Minisita o le va i fafo a Iapani, Penny Wong le vaa leoleo mo Samoa, ina ia malu puipuia ona sami ma ana alaga ‘oa mai le sami.

Peita’i o saunoa Auapaau, e fai si laititi o le vaa lea e aumai e Iapani, nai lo le fesoasoani a Ausetalia.

Ma ole a faaaoga le vaa lena mo le leoleoina o le gataifale ma tuaoi o sami faalevaomalo.

Ae faaaoga le vaa lapoa lea mai Ausetalia mo faalavelave tutupu faafuasei, ma le tali atu i valaau o faalavelave.

O le vaa fou olea aumai olea suitulaga i le Nafanua II lea na fa’ameaalofa mai mo Samoae le Malo o Ausetalia i lalo o le Polokalama o Puipuiga o le Gataifale a le Pasefika.

Peitai na malaga atu ai Leoleo ile faalavelave faafuasei i Salelologa ma paulia ai ile uafu i Salelologa ile tausaga e 2021.

Sa filifili foi nisi o malu o le malo e malaga atu ia Setema o le tausaga lenei mo aoaoga ina ia mautinoa le faamasani i le faaaogaina o le vaa a o lei folau mai i Samoa.

Saunoa foi le sui Komesina “O se tulaga lelei tele le toe iai o se vaa a leoleo mo le puipuiga o le gataifale ma le puipuiga o tuaoi o le sami o Samoa” O le Nafanua III o le a nafa foi ma le sailia, mataituina ma le tali atu i faigafaiva ma le puipuiga.