Faatali se faaiuga ole talosaga apili pe talia

SHARE NOW

Toe 10 aso lau le faasalaga o le sa avea ma komesina lagolago ole Ofisa Palota, Afualo Daryl Mapu.

Ina ua faamaonia e le Faamasinoga Maualuga ona moliaga sootaga i fualaau faasaina, ma laau malosi na maua i lona fale ina ua osofaia e leoleo, e aofia ai le lima tagatapepa iila o aisa, 1.6 kalama, ma paipa tioata, o laau malosi 9mm pistol, tasi le fana 22 semi automatic, tasi le fana 357 magnum pistol revolver, fana 12, tasi le rifle semi automatic ma pulu fana.

Peitai, O le  Aso Gafua ananafi lea na agia ai ile faamasinoga le talosaga a Mapu tauala atu i lana loia, e apili le faaiuga a le Faamasino, Justice Tuala Warren.

Na faamaonia ai ona moliaga e sootaga i fualaau faasaina ma laau malosi na maua i lona fale i le taimi na osofa’i ai e leoleo.

Ole aso 14 ole masina nei na taupo mai ai e lau ai le faasalaga o Afualo, peita’i ua taunuu ai ile vaiaso nei lana talosaga apili, faasaga i le faiuga a le tamaitai faamasino Justice Tuala Warren

Ae i faamaumauga o lena mataupu: O le osofaiga na a leoleo i le maota o Afualo na maua faatasi atu iai ma le tamaitai sa la faigaluega faatasi ile Ofisa Palota ma molia faatasi atu ai lava.

Peitai ole aso lava na faamaonia ai moliaga o Afualo Daryl Mapu ile amataga o le masina talu ai na mama ai ma le igoa ole tamaitai o Marie Fanueli.

Ae na tumau lava le teena e Mapu o ona moliaga ma ia finau, o na mea uma e anaia e Pelepesite o lana uo sa nofo ai i lona fale.

Ma toe valaau ai ile faamasinoga ananafi lona apilia ole faaiuga. O le aso 17 ole masina nei e iloa ai se tali, pe talia le talosaga apili.