O lo’o faatali tali pea se taunu’uga o le Faamasinoga Apili, ole vaiaso talu ai, 13 o Aperila.
I le va o Clara Grey ma le Kamupani a le SABB ma le Samoa Brewery, faatatau i le fanua umia sa’oloto i Tuloto.
O le fanua lea na fa’atonu ai e le faamasinoga Apili o Tesema 2021, le MNRE Matagaluega o Oa Faanatura ma le Siosiomaga, e toe faaauau le Caveat poo le taofiga faaletulafono i luga o le fanua.
I fa’amaumauga e aveese le Caveat o loo iai le mataupu tau faamasinoga i luga o le fanua i Tuloto e lei maua se iuga, na faila e le tina o Clara Grey, o Maria Kirita Pune ma lona tuagane, ua malilu uma e lei famalieina .
O le fanua lava lea, e faatatau iai le faamasinoga apili lea ua talia ai nei sona taunuuga.
Peita’i na fesiligia e le Faamasino le itu talosaga, faatatau i le uiga tonu o upu o loo tusia i luga o le Caveat. Na agia, e ese le Loia na talosagaina le Caveat ile faagasologa mai o lenei mataupu, ese le Loia lea ua na fa’aauau mai le finauga ile taimi nei.
O le Caveat lea na poloaia e toe tu’u i luga ole fanua pei ona iai le manaoga o le ana le fanua.
Na finau atu Leulua’iali’i Olinda Woodroffe, ole vaega lea ua laga e le faamasino, e fou, e lei laga i isi faamasinoga ua tuana’i ole mataupu tau i le fanua lava lea.
E manatu le itu talosaga, i mea tau faamasinoga e leai ni mataupu fou, e laga ane ile taimi o le faamasinoga o Apili, vagana ai faamasinoga i lalo ifo.
Na finau le itu tete’e, e faaleaoga le talosaga apili, ona e iai se tupe e lei totogia e le itu talosaga.
E lei talia e faamasino le manatu faatu atu o Leulua’iali’i e toe valaau le mataupu lenei ia aofia uma ai itu faamasino.
Ae na talia e Faamasino le talosaga a Leulua’ialii, mose taimi e toe siaki ai tupe ua uma ona totogi ile faamasinoga ole mataupu lenei. E lua vaiaso na ave iai.
Ma o’o mai ai nei, o loo fa’atalitali pea se faaiuga o le finauga o lena mataupu tau fanua umia saoloto i Samoa.
