Faatauga oloa a le Ola toe Fuataina

SHARE NOW

E tusa o le 200 oloa eseese ale vasega ole Polokalame, o le  Ola toe Fuataina mai le falepuipui I Tanumalala o loo tata’i pe tosina atu iai maimoaga ile malae o tulisi i tafamaota o le malo mo le vaiaso atoa lava lenei o le Teuila. 

O oloa e aofia ai ata vali, oloa lalaga, su’I, vane, kamuta, pei o meafale  laulau, fatatusi, tanoa valupopo  , tanoa e fifi ai le taufolo, o tanoa tuikoko, tanoa ava, tootoo lauga, o ili e faamalumalu ai mai le la ma ili tapili, o ula e sei mai le ie, o ata ma oloa teufale. 

I le tatou faatalanoaga ma le taitai o le polokalame , Susuga a Motunuu Teofilo, e tusa o le 20 pagota mai le silia ile 300 o loo totonu, ua fili mole polokalame, e magalo lava isi ae faasolo atu iai isi. Ma fefaasoaa’i ai lava tomai, 

O le faatauga o oloa gaosi mai le falepuipui a pagota, ua ose auala lea e toe fuata’i lagona o le alii poo le tamaitai, i atinae fai o le soifuaga o loo mafai lava ona maua ai lona tagata tauleleia, ma fesoasoani ile atinaeina o latou aiga. O tupe oloo maua, pei o ata vali, e oo atu ile $300 maona tupe tala le tau o isi ata e ave ma le pagota ile 40pasene , ae o lesi vaega e alu ile tupe faaputu a le Polokalame e faatau atu ai isi mea faigaluega, pei o vali, pulumu, laupapa, e faaauau ai le polokalame lenei mo isi foi paogata o loo faagasolo ane I luga, mo le vaega ua pasia a latou amio, ma agavaa ona omai ma leoleo I Apia e faatau a latou oloa.  

O le latou faaliga i le aai ole EFKS I Malua ile tausaga talu ai ma le tausaga nei, ole faaaliga i le taimi o le fono a le Metotisi, ua saga faatupulia ai le ma’elega o pagota i taleni fou. 

Ole amataga mai sa faatupe e le Malo o Peretania ma le pisinsi a le SSAB, lea ua faaauau ai lava, e manatu le taitai Susuga Motunuu Teofilo, pe o le tausaga lona tolu , ua mafai loa ona tu lava le polokalame lea i ona vae e faatupe ma avea ose alagatupe mo pagota o loo fili iai. O le vaega lea e uma ane le taimi ole faasalaga, ua iai se tupe  oloo faatali mo ia. 

I tulaga tau I le tausiga o Pagota ile taimi nei, ua le’o toe fia aai tama ma teine ole nuu, mai le 300 i Tanumalala ma le tusa o le 100 i Vaiaata ma Olomanu, ua mafai ona tausi lava latou i maumaga ma atinae o loo fai. Ua lata I le 140 manupapalagi, e fasi lava le manu pe’a oo I aso faapitoa pei o aso sa o tama, tina, aso kilisimasi, Ae ole talo, taamu, ua faaaoga iai Olomanu ma Savaii, ae o le lafu manu lea ua tele ina faaaoga iai Tanumalala, ma lesi foi vaega ole maumaga. 

Ole tulaga tau I le faaaogaina o vailaau fagavao na tatou fesiligia talu , masalomiaga ole maliu o lesi pagota, na saunoa Teofilo, e aoga mea tutupu, ma ua le’o toe faaaogaina lava se fagavao, peitai o loo faaaoga lava meafaigaluega pei o agaese, ae uma lava faafoi ane i leoleo. 

Ae mole taimi nei, ile talanoa a le taitai a Teofilo ua le’o toe iai sea tulaga ose masalosalo o pagota i leoleo. Ua lelei le mafutaga ma faagasolo lelei polokalame mo le taimi e magalo ai. 

E iai lava pagota, pe lua ile tolu, e pei lava ose aiga, e iai lava le tagata e faafitauli, faapena fou ile nuu I Tanumalala. Ae mo le taimi nei , pei tatou molimauina, ole tagata e alu ile falepuipui e fia maua le mea lelei, e magalo mai o faatali atu lana tupe mo ia mai ana galuega pei ona ta’ua I luga, I le polokalame o le ola toe fuataina.