Ao feagai ai le atunuu ma le tele o suiga maaleale ole tau, ole vaiaso ua tuanai atu nei lea na faatinoina ai e le aoga tulaga lua o Gataivai mai Savaii nisi o polokalame faalauiloa a le Matagaluega o Punaoa Faalenatura ma le Siosiomaga, mo le nofo silafia, nofo sauniuni ma le tali atu i taimi e tulai mai ai se faalavelave matuiā aemaise lava i mala faalenatura.
Mai ise pepa o faamatalaga mai luga ole itulau a le Matagaluega o Punaoa Faalenatura ma le Siosiomaga e ala ile faatalatalanoaga ma le puleaoga foi ole aoga tulaga lua o Gataivai ile taua foi o nei aoaoga lea na ia faaalia ai e faapea.
O se fiafiaga tele lea ile laumua ma le aoga tulaga lua atoa le mafai lea ona faatinoina ai lea polokalame faapitoa lea oloo galulue faatasi ai le Matagaluega ole MNRE, Matagaluega o Aoga ma Aganuu, ma le fesoasoani mai ile vaega a Ausetalia e ala i nei aoaoga le aumaua ua mafai ona aoaoina ai fanau ole laumua.
Ole auga autu o lenei polokalame ole Samoa Saogalemu.
Na faaalia i lenei pepa o faamatalaga le sagisagi fiafia mai ai foi ole PTA a le aoga tulaga e fesoasoani ile pitolaau a faiaoga i nei aoaoga o faatinoina pe afai ae tulai mai nei faalavelave faalenatura ile aoga tulaga lua a Gataivai.
Ua tele faafitauli ua alia’e mai i lenei vaitau ona o suiga maaleale ole tau ile tele o tausaga, ma ose avanoa lelei foi lenei ua tatau ai ona faagasolo nei foi aoaoga taua i aoga tulagalua, kolisi, ma Iunivesite aua o latou nofo silafia ai i aluga ma gaioiga e muamua ona fai i taimi ole lumanai e tutupu mai ai nei faalavelave e pei o mu, afa, mafui’e, tsunami mai isi ao lea ua iloa ma mautinoa ma iai le agavaa ma le tomai i fanau ile auala e agai iai mo le malu puipuia.
