E lei leva ona ofi mai le sa o le afioga ia Lautimuia Uelese Afoa Vaai i totonu o le faigamalo a le Faatuatua i le Atua Samoa ua tasi, ae ua tofia e avea nei ma Minisita o le Matagaluega o tupe a le Malo.
O le Matagaluega lea sa i lalo ole taitaiga a le Minisita ia Mulipola Anarosa Ale Molioo ma atoa ai lana 2 tausaga ma le afa o le paeaiga a le FAST.
Peitai o le maea ai o le fonotaga a le Kapeneta ile vaiaso ua mavae ma faaulu fale mai ai nisi o Minisita fou e toalua ma tauave nisi o Matagaluega o le malo.
O Minisita nei e aofia ai le afioga ia Lautimuia Uelese Afoa Vaai ua avea nei ma Minisita o Tupe ma le afioga ia Laumatiamanu Ringo Mathew Purcell ua avea ma Minisita o Taaloga ma alaga’oa mo le fiafia o tagata, ma ua atoa iai le toa 15 o nofoa o le Kapeneta.
I le tatou faatalanoa ma le Minisita o tupe fou ile maea ane o lana faatautoga ile aso na ia saunoa ai o ia e faateia tele
“E faateia foi, sa ou manatu e leo le taimi nei o lo’u itumalo,”
Saunoa Lautimuia ua iai nisi o ana fuafuaga fou ua saunia e faatino mo lenei tofiga toe faaauau mo se manuia o Samoa
