E manu’a mitimiti Samoa i Sisifo mai galu maualuluga i le faaiuga o ole vaiaso. Ole Aso Faraile na tali atu ai le FESA, Fire and Emergency Services Authority, Pulega o le Auaunaga o Tineimu ma faalavelave faafuasei, i valaau mai Samatau ma Falelatai.
Peita’i e laititi lava nai faaletonu na molimauina. Ae i le tali mai a le Komesina o le Matagaluega, Susuga Tanuvase Petone Mauga , ina ua fesiligia e le Leitio Polenisia,
O le lipoti atu lena mai lana vaega na oo atui tua, e laititi lava aafiaga mai galu. Peitai , o loo lipotia foi aafiaga o Matautu Aleipata ma le SAletoga Beach resort, mai galu.
Ae o faamaonia mai foi e le KOmesina o leoleo, Auapaau Logoitino Filipo e leai ni valaau mo ni fesoasoani na oo atu ile ofisa o leoleo.
Sa taumafai atu foi ise tala mai le taitaifono o le NEOC, ae lei manuia.
Peita’i ile Motu i Sasa’e, Amerika Samoa, ua faailoa faalauitele e lona Kovana Lemanu Peleti Mauga, le iai o Amerika Samoa i tulaga o faalavelave faafuase’i, State of Emmergency.
Ma tapunuia ai lona Malae vaalele faalevaomalo, ina ua aafia le runway poo le malae e sesee ai vaa.
E oo lava i ofisa o le malo, na fautuaina e tapunia le tumau talu aafigaga o auala, o fale ma mea totino ma nuu talafatai. Ma saunoa ia le Kovana o Amerika Samoa, e toe faaauau feoaiga ile malaevaalele, ile taimi e mae’a ai galuega faaleleia.
