Tala toe tuliloa o le NPF ma tupe maua mai ai , talu lafoga a le au fai saofaga, poo tagata faigaluega, o loo faafaigaluega e le malo mo le tupu ole tamaoaiga, e siitia ai pasene maua a le au faisaofaga.
Le tamaoaiga lea ua toe faatepa ai e le taitaifono ole fono faatonu o le NPF, Papalii Panoa Moala, mo le silafia lautele ile sao ole NPF ile tamaoaiga o Samoa,
Susuga a Papalii Panoa Moala, o le taitaifono a le NPF, lea na faasee ese ma lona nofoa mose taimi le tumau, ae faia suesuega faasaga iate ia,
Talu lona sootaga ile faamaoniga o nonoga tupe e silia ile 60miliona tala mo pisinisi a tagata Samoa,
Peita’i na mulimuli ane, maua I lea suesuega , sa sosolo lava luga ole tulafono. Faatusa i le aitalafu 10miliona tala a le Saina e ana ia le faletalimalo ma isi faleoloa tetele ua taape nei i Samoa. Molimau Papalii, i faamaumauga ua ia maua, na amata I tupe a le au faisaofaga a le NPF, i lalo ole faigamalo a le HRPP, ae I lona oo atu iai I totonu, e leai se tupe ua totogia ma fesilgia ai poo fea o teu iai tupe o na pisinisi, o loo faafaigaluega ai tupe a le aufai saofaga a le NPF.
E toa fitu le vaega ole aufaigaluega ole pulega ole NPF, ua fesiligia nei, i le mafuaaga o faaletonu o ta’ua i luga.
O lea mataupu, na lagalagaina ai finagalo o nisi o le au fai saofaga a le NPF, ma faailoa mai i tatou tala fou, ni faanoanoaga, a o ni popolega , ua taoto nei, i le malu puipuia ai o meatotino, a o aseta a le au fai saofaga a le NPF, ma matua fesiligia ai vaega nei :
- Afai na o le 5 tausaga talu ona nofo lea Saina i Samoa, faatusatusa i le to’a tele o tagata nuu o Samoa, o latou tonu ia e ana saofaga, ma ua fia tausaga o aoina latou lafoga, o loo faa faigaluega e le NPF, ma ave i ai le latou faatuatuaga, e vaaia lelei ai a latou saofaga,… na faafefea ona faatagaina (approved), lea nonoga tupe tele e 10 miliona?
- O a ni aseta, (securities), na faaogaina e lagolago ai le nonogatupe e 10 miliona, na faamatuu atu i lea Saina?
- Pe na mulimulitaia ta’iala, faa nonogatupe, faatulafonoina a le NPF, na faataga ai lea 10 miliona?
- Pe na o Saina ea, ua faataga i ai nei nonoga tupe tetele, ae o le toatele o nisi o tagata nuu o Samoa ua leva ona tautua, ma o loo i ai aseta, e ono faaogaina mo ni nonogatupe tetele, lava ni tupe maua e ono toe togitogi ai ni aitafu faapea, ma e le o i ai nisi nonogatupe e ono aafia ai le gafatia o peimeni (serviceability), peitai, na faailoa, e le’i taliaina nisi o latou talosaga.
O loo matua fesiligia foi faamaumauga, o le faatinoina ai e le NPF, o le faatagaina o lea nonoga tupe tele, ua atagia mai i le saunoaga a le Afioga i le ta’ita’i fono, ua silia ma le 1.3 miliona, peimeni e lei toe totogi ina atu.
E le o iloa foi, pe fia se tupe tului (interest payment), na faamau faailoaina, e ala i se maliega i luga o feagaiga faa nonogatupe, (loan contract) e fuafua tatau i ai ni alaga tupe toe maua mai, i nonogatupe, o loo faaogaina ai saofaga a tagata Samoa, o loo vaaia e le NPF.
E atagia mai i le auivi o lea mataupu, e ono le mafaia e le na talosaga, ona toe totogi le tupe nono (principal amount) ma lona tupe tului, o loo fuafuaina e tatau ona toe maua mai (interest receive), i lea feagaiga.
Saunoa se tasi o tamalii i a tatou tala fou, ua loa ona agavaa i auaunaga faa nonogatupe i totonu o NZ ma Ausetalia, afai ua ova ma le 12 masina, talu ona le toe i ai ni peimeni, o lea ai talafu e 10 miliona,
- aisea ua tuai ai ona faia loa gaioiga masani i luga o le feagiga na sainia, e toe koleti (collection actions) mai ai tupe a le aufai saofaga, lea o loo aitalafu ai le Saina?
- Pe le ua alagatatau loa i le NPF, ona ta se’i mai aseta (securities) na lagolagoina ai le nonogatupe e 10 miliona, e toe faatumu ai tupe a le au fai saofaga, na nonoina e lea tagata aitalafu (debtor)?
