O lo’o i Samoa i le vaiaos nei, faamasino o le District Court a Niusila ma taitai mai e le , Faamasino sinia o le faamasinoga faaitumalo a Niusila, Chief District Court Judge.
E 17 faamasino, ua talimalo ai le faamasinoga a Samoa i lea ituaiga o asiasiga, mo le taimi muamua.
O lesi vaega taua o lenei asiasi a Faaamasino mai Niusila ole latou fia iloa, ole faatinoga o le ifoga, poo se faamagaloga faaleaganuu.
Ma le faaaoagina ai e le Faamasinoga a Samoa o ifoga, ose vaega e fua iai ana faaiuga fai. Ma o le a faatino ai lena vaega ole Aganuu ile afioaga o Vaimoso ile Aso Lulu o le vaiaso nei.
Peita’i o le taeao ole aso le ava ole feiloaiga, ile maota Samoa o le Pulega o Tulisi ile eleele fou i Apia.
Ma asiasi atu ai ile faamasinoga o Fanua ma Suafa i Mulinuu, e feiloai ma le Afioga I le Peresetene, ole Faamasinoga o Fanua ma Suafa, Afioga Lesatele Rapi Vaai.
I le polokalame lava ia o le aso, e aofia ai ma le asia o nofoaga o tala faasolopito o Samoa.
O le Aso Lua a taeao, e amata aloaia ai loa le polokalame faapitoa ole feiloaiga, Inter Bench Judicial Exchange, e faia I le faletalimao o le Taumeasina i Moataa.
Aso Lulu ua atofa mo le faatinoga o le ifoga ile Maota o Mataia ile afioaga o Vaimoso ile 10 ile taeao, ma asia ai le fanua maliu o tagata na maliliu le faamaitele o le 1918 i fanua maliu i tua ane o le malumalu i Vaimoso.
Ole aso tofi e toe taliu ai I Niusila le aumalaga.
