Ao taualuga ai ma tapunia ai le vaiaso ole Teuila o lenei tausaga ae oloo tau faamae’aina pea le taamilosaga Kirikiti faasamoa lea oloo faia i Faleula ile taimi nei, lea na faailoa mai ai e le afioga ia Tapusoa Faafia i lenei taeao i Tala Fou.
O nei tapenapenaga uma o lea sa faatautaia aua le faamatagofieina ai ole faamanatuga ole Teuila o lenei foi tausaga.
Ole polokalame faatatitia la lea ua fuafua iai le Peresitene ole Asosi Kirikiti Faasamoa ma le pulega atoa ae le gata foi lea ole faatamā ole asosi kirikiti, ole aso a taeao lea ua faailoa mai ai e faatinoina ai le sailiga siamupini o lenei foi tausaga poo ai lea olea sola ma le manumalo, ole aso lea e sosoo ai, Aso Tofi lea ua fuafua iai e faatinoina ai le laugatogi ma tapunia aloaia ai loa le Kirikiti Faasamoa o lenei foi tausaga 2024.
