Faatoese le Minisita ile tuai mai o le vaamoe ile aso 2 o Iuni

SHARE NOW

Ua faasalalau faalauaitele mai ai se faatoesega a le Minisita o le Matagaluega o Galuega, Felauaiga, ma galuega eseese le afioga ia Olo Fiti Afoa Vaai.

E tusa ai ma le faaletonu o le vaamoe mai Savaii ile aso Faraile o le vaiaso ua mavae, lea na agiga ai i luga o upega tafailaga le toatele o le mamalu o le atunuu na malaga mai ai sa faitio talu le tuai ona alu ese mai o le vaamoe.

O le faafitauli lea na tupe ina ua faatali lava le malaga a le vaamoe sei toai taunuu atu pasi e silia ma le 5 na malaga atu ai tagata Saina ia na omai i le amataga o le vaiaso ua tea nei.

Peitai o le vaamoe lava ia sa tatau ona alu ese mai le uafu ile ta o le 4 ile afiafi peitai e ta lava le itula e 6 ile afiafi e lei aluese mai lava le vaamoe mai Savaii.

Na taua ise feau tusitusia a le tama na sau i lea vaa, o se faanoanoaga tele lea mo tagata uma na omai ile vaa na fuafua e malaga mai i pasi ile taulaga talu e leai ni taavale

O nisi na iai ni fuafuaaga taua faaleaiga na fuafua e auai ai peitai e lei mafai ona faataunuuina ona o le faafitauli na tulai mai.

I se vaega o le faatoesega a le afioga ile Minisita na ia taua ai, ua lape foi se tautua ia te ia ma le mamalu o le aufaigaluega ae taua mea tutupu e toe silasila ai ile lumanai ma e le toe tupu lea tulaga