Na talia male agaga ole faamagalo e le aiga o le tama ia Faisealofa Asaasa o Poutasi Falealili le faatoesega faaleaganuu, poo le ifoga a le aiga o le Avepasi mai Siumu, ile faaiuga ole vaiaso.
Ole avepasi lea na ave le pasi a le Laumosooi na alu faatafa ma malepe i Malifa ile vaiaso talu ai, ma manunu’a le tele ole pasese. O le tama ia Asasa lesi tama matua ole pasese a le pasi a le Laumosooi lea ua la tagata a maliliu ai.
Peita’i ole aso Toonai na te’a nei tusa o ole 4pm lea na taunuu ane ai le faatoesega mai Siumu a le aiga o le ave pasi ma tali ile maota o Tuitapa ile agaga o fefaamagaloa’i.
O ta’ua e le soo upu mai le afioaga, o loo taofia pea isi fanau talavou a le afioaga ile falema’i i Motootua, i manuaga tigaina mai le pasi.
Ole vaiaso nei, e tolu maliu o lo o feagai ai ma le afioaga lea, e aofia ai le maliu ole pasi, o le tina talavou ma le atalii lea e le’i maua lona tino talu mai le po o taga palolo ile vaveao ole aso Toonai.
