Ua faatonuina ai nei e le Faamasino ole Faamasinoga Faaitumalo, o ia foi e gafa ma ma le suesueina o maliu lilo, Alalatoa Rosella Paplii, se suesuega ile maliu o le tama 67 tausaga o faapea o le maliu muamua a Samoa ile koviti. O lipotia e le Matagaluega ole soifua maoloina, sa iai isi ona gasegase na maua ai.
Ole tala mai lea ale sui Komesina o leoleo ma falepuipui, Auapaau Logoitino Filipo ina ua tatou fesiligia.
Mai le soifua maloloina o faapea mai ai, ole maliu muamua o le koviti ile aso 30 o Mati, tusa o le 13 aso talu ona pepesi i tua le faamai, ile aso 17 o Mati 2022.
Ole tama lea na maliu e iai isi ona aafiaga faalesoifua maloloina, , na maliu ile falemai i lalomanu.
Na ta’ua e Auapaau, e le’o faia se poloaiga mose taotoga faletulafono, ma agavaa ai ona ave i tua, ae ua tuu atu i le aso 20 o Iulai o le tausgaa nei e valaau ai lea mataupu ile faamasinoga.
Ae oo mai nei ua tolu tagata maliliu e iai sootaga ile koviti.
Ole maliu lona lua pei ona ta’ua e le matagaluega, o le tina 87 tausaga i Faasaleleaga numera 2, na taofia ile falemai i Tuasivi Savaii, Malietoa Tanumafili ll ile aso 31 o Mati, na togafiti i auga o le koviti, e leai ni ona gasegase tumau, peita’i e lei faia ni ona tui puipui,
Ole maliu lona tolu lea na faailoa mai ile vaveao ole aso Tofi 7 Aperila, ole tama e 87 tausaga le soifua, ua faamauina e lei faia foi ni ona tui puipui.
