Ua fa’atonuina a nei e le Kapeneta le Komesina o le Matagaluega o leoeo ma Falepuipui, Auapaau Logoitino Filipo, ia faia vave se suesuega ile va’a lea na Malaga mai Amerika Samoa I le vaiaso talu ai, ma tuta faasolitulafono Salelologa Savaii.
Talu e le tasi se matagaluega a le malo o loo aafia ai i lea mataupu “ o talia nei le lipoti mai le ofisa o leoleo, e ao mai ai faamatalaga, ole matupu lea aua e le tasi le matagaluega o aafia ai.”
Saunoa foi le afioga ile Palemia, e iai foi faamatalaga faapea na oso atu I Mulifanua piki ai lesi uta faatoa o atu i Salelologa.
Ae ua vevesi i Samoa, ole taumafai e fesoasoani iai ise pemita ma isi vaega e taga ai le vaa, ae o le ala o mea, sa tatau lava ona taofia le vaa ma le auvaa talu e leai se faatanaga faaletulafono e ulufale ai “ia te a’u lava ia, I la’u vaaiga faaletulafono, o soo se vaa e ulufale mai I tatou ogasami, e leai se faatanaga, ua lape ai tatou.”
Peita’i o le taga’I faaletulafono a le afioga ile Palemia, Fiame Naomi Mataafa, o le faaletonu lea sa le tatau lava ona tuusa’oloto le vaa ma le auvaa, ina ua soli tulafono O tatou ua taulosomua ile sue mai o pepa, a solitulafono loa le omai I totonu, ole tulafono.
Ua vevesi ole aufaigaluega I le uafu I Salelologa, ua tuta atu le vaa ma o atu taavale ave le uta.”
O loo atagia foi ile tali mai a le taitai o le malo ina ua fesiligia e tusitala, ise laasaga e faasala ai le vaa pe’a uma ane le suesuega o loo faia nei e le matagaluega o leoleo, o saunoa le afioga ile Palemia, o le tala ane ile ofisa o le Loia Sili, o gaioiga ua uma ona faatino mo le iai ole vaa i Samoa nei, e ui ina faato’a faatino mulimuli ane ina ua maua, ae ua ta’u atu ai le taliaina o le vaa iinei.
“Fautuaga a le Ofisa o le Loia sili, ua tautua upega le faasala ona ua iai gaioiga muamua na faia e Samoa, e atagia ai ua tatou talia le oo mai ole vaa I totonu.”
E le’i ‘alo le taitai o le malo ile ata o le laau, ae na ia ta’utino lava i tusitala le faatamala o matagaluega a le malo o fitoi tonu ma le faaletonu.
Ua talia ai nei se taunuuga poo se lipoti mai leoleo ile latou suesuega ua faatonuina nei e faia I lea mataupu.
