Ua ono umia e Samoa le malaevaalele o Amerika Samoa i Tafuna, pe’ a oo ina faatupe galuega o loo faatino mai le malaevaalele o Samoa i Faleolo mo Amerika Samoa, le Teritori o Amerika ile Pasefika.
Na afua ona laga lea saunoaga a le Minisita o le Samoa Airways, Leatinuu Wayne Sooialo, ile polokalame a le Radio Samoa, ina ua fesiligia ai ile maota faitulafono a le Senate o Tutuila ma Manua, e lona Peresetene le totogi o loo tulaueleele ai vaalele a Samoa i Tafuna.
Peitai , o le tali a Leatinuu, “A oo ina faatupe e le MInisita o malaevaalele a Samoa, Olo Afoa Fiti Vaai galuega o loo faatino e le tower a le Malaevaalele a Samoa i Faleolo, mo le malaevaalele o Amerika Samoa, i Tafuna, ua tatau ona umia , own e Samoa le malaevaalele lea.”
I lena faatalanoaga a le MInisita o le Samoa Airways, na saunoa ai Leatinuu: “Ua tusi faafia Olo ile tulaga, lea e leai se latou tower e controll ai vaalele, e oo lava i vaa tetele mai Amerika, e oo mai loa ise vaega ona faatonutonu atu loa lea e Samoa Faleolo, ma faapena ai foi ona faatonutonu atu ai ma vaalele a Samoa e malaga atu i Tafuna Amerika Samoa.
O lesi foi lea sao ole sootaga faaleuso a Samoa na lua, ma lana Atoa o Samoa.
Peitai ua toe manatua ai le tamai vaalele na pa’u i Amerika Samoa ia Iulai 22, 2014 ile 11pm, O molimau ai le Minsita, ia Leaitnuu, “e le’i ta’ua mai i Faleolo, ua alu pogisa lava le pailate. “
Ae i faamaumauga o lena faalavelave ma lipotia e le Samoa News a Tutuila, o masalomia ose aafiaga mai uiga louloua ole tau i le taimi na lele ai i luga, ma pa’u ifo ai tofu i le sami, ae le’i umi ona masii ese atu ma Tafuna.
Na maliu ai le tama 57 tausaga, Babar Suleman ma lona atalii 17 tausaga ia Haris, sa iai le faamoemoe e avea ma tagata muamua e soo ai le lalolagi ise tamilosaga, ise tama’ivaalele afi tasi, ma lona pailate autu, pito laititi.
O lea misiona ose faasailigatupe e atina’e ai aoga i Pakistan. Na maua tino maliliu ole pailate ma lona tama ma toe faafoi atu i Amerika.
Peita’i na talanoa ai foi le afioga ia Leatinuu, ile ave ai lea o lana faamuamua i vaalele a le Samoa Airways o felelei ai ile va o motu i le taimi nei, “ua 49 tausaga le matua, o lesi ua 38 tausaga, o lesi ua 37 tausaga le matua.
E manatu le Minisita “ua tatau ona aveese le 49 tausaga ae aumai se vaalele e tuu iai, ma toe fai vaalele 38, ma le 37 tausaga.
Peitai e ui ile leai ose tower a Amerika Samoa e faatonutonu ai Vaalele tetele oloo tulaueleele i Tafuna faapena foi i vaalele a Samoa, Ae iai le aiaiga e pule ai lava Amerika Samoa ile aofai o vaalele mai Upolu e tulaueleele ile aso, e tolu ile fa, ae a sili atu ua talosaga ile faatanaga.
O le aiaiga foi lena a Samoa mo vaalele e taunuu i lona malae, pei foi o isi malae faavaomalo.
Ae o Amerika Samoa lava ia e leai se latou tower poo se fale vaai vaalele e faatonutonu vaa taunuu ma vaa malaga ese, pei ona saunoa le Minisita faalauaitele i luga fesootaiga televave.
