Ua faatopetope atu I le falemai I Motootua se tama na aafia ane ise galuega faufale, i autafa o le Blue bird i Saleufi.
Na molimauina e le tatou paaga, o latou e fesaga’i ma le fale wholesale a le Blue Bird i Saleufi, e sosoo ma le galuega ole fale fou o loo fau, na latou matamata atu ai ‘ao taumafai nisi o le aufaigaluega e laveai mai le tama ile faaletonu.
O masalomia na sipaka ile uila ma pa’u ifo i lesi vaega o le fale i lalo ifo.
O le pe o le uila I lea vaega ole taulaga, ile tusa o le 11, ma aafia atu ai isi pisinisi .
O taua e le molimau na matamata atu iai mai le falealuga oi leisi ituala, na latou “lagona le pa’o leo tele, ae o atu i fafo ma faalogoina le feei leo tetele oni valaau, ma le taumafaiga a nisi e faatino le galuega lavea’I I luga o le fale.
“O le masini uapako na sosolo atu ma ave ifo ai le alii na afaina mai luga o le fale.
Na avatu faatopetope ele taavale ile falema’i. Ae taunuu atu foi iai ma le ofisa o leoleo.
Na saunoa le sui komesina, Papalii Monalisa Tia’I Keti, ina ua tatou fesiligia, “o le’a se’i vaai iai , talu e le’i oo mai se tala” I le taimi na tatou fesootai ai ile ofisa o leoleo I Apia.
