Ua faaulu ai mo le taimi muamua se fono a tamaiti i le fono a malo o le Taupulega, lea na amata mea ai le SVSG Samoa Victim Support Group, ile CHOGM i Samoa 2024.
Ua faamavae ai le fono a malo o le tapulega, ile faaiuga o le vaiaso ua tuana’i.
Peita’i o loo nofo le sui o le Ofisa o le Failautusi ole Commonwealth, o loo totoe i Samoa, mo vaega e faamae’ae’a.
Pei o le Susuga Layne Robertson mai Peretania, lea na gafa ma le tapenaina o le fono a fanau, poo le leo o tamaiti i fono a taitai mo le taimi muamua ise fono a taitai o malo o le taupulega.
Na talanoa Mr Layne ina ua tatou fesiligia, “o le taimi muamua lea ua mafai ai ona faia se leo o fanau laiti I fono nei, ma sa mafai foi ona o latou tapena lena manatu mai fanau, mo le silafia e taitai.
O le manatu lea o fanau laiti e ese mai le fono a tupulaga talavou, ae o le fono a tina ma le fono a tagata,ae o le fono a le au faipisinisi.
Peita’I o le amata mea ai ole SVSG ma Samoa I lea foi faiga ole avatu o le leo o tamaiti o loo sili ona mana’omia le fesoasoani mo se fofo, I faafitauli o sauaga.
O le’a taga’i foi iai le Ofisa o le Failautusi, a Malo o le Taupulega, mo le agai ai ile lumana’i mo lesi fono a taitai. “
Peita’I o saunoa le Peretene o le Toomaga mo e Puapuagatia, Siliniu Lina Chang: “o manatu faaali o tamaiti I lea aso, na molimauina ai o loo mafai ona maua mai ai fofo I nisi o faafitauli o feagai ai ma fanau, e le gata i aiga ae o latou lava .
O le aso Sa ananafi na toe foi atu ai lava sui ia o le ofisa o le Failatusi a malo ole Taupulega CHOGM mai Peretania, ile lotoa o le Toomaga , ina ia toe mafuta I fanau ma avatu iai le latou faafetai.
Peita’i ole amanaia o na fanau sauaina ma o latou leo, na ave ai foi le faataua a le Masiofo a le Tupu, Camilla e fia vaai i fanau nei, ma ia tatala ai le faleaoga faataitai , ua faaigoa iate ia, Camilla Pre School of Hope, ma ia fautua ai ile pulega, “e faaauau le latou auaunaga, aua a tuu nei, ole fesili, poo iai nisi e latou te faia lea galuega?
E tusa ole 70 fanau ua saoloto mai sauaga o loo tausia ai nei ile SVSG Campus of Hope i Tuana’imato.
