E lata i le $40afe tala na faamaonia e le Kapeneta e faamalieina ai le tagi a le alii sa leoleo. Susuga Lefiu Aina Fono, ile tuli sese o ia, pe sa faasolitulafono le mafuaaga na le toe faigaluega ai ile Matagaluega o Leoleo ma Falepuipui, talu mai le 2019.
O le tupe lea na totogi, ole taunuuga o feutanaiga i le taimi sa le faigaluega ai. Peiona faamaonia mai e le afioga i le Komesina o Leoleo, Auapaa Logoitino Filipo, i lana tali mai i le fesili a le Leitio Polenisia.
Na saunoa Auapaa, o le tupe na totogi e $38,afe tala. Ma ua toe foi atu foi lea alii leoleo ia Lefiu e faigaluega.
Na molia Lefiu ile fasioti tagata pa’ivalea ile masina o Aokuso 2019, ae tausaga mulimuli ane toe faaui i tua moliaga na faasaga ia te ia, talu e lei lava ni molimau e faamaonia moliaga.
Ma faaulu ai lona lana tagi faasaga i le Matagaluega o Leoleo. Ma faamoania ai e le malo, poo le Kapenta ile masina talu ai le aofaiga ole tupe o ta’ua i luga e totogi atu iai.
Ole moliaga o Lefiu sa sootaga i le maliu ose alii mai le nuu o Faleasiu, tusa ole lima masina talu ona taofia le tagata late nuu faatasi na muamua tuuaia i lena solitulafono. O masalomia le tau’ aiga maa i le taimi fetauaiga i Faleasiu ile masina o Mati o le 2019.
