Faatumulia le talomua i Siumu

SHARE NOW
E tasi lava le ‘auga ole faia o talo mua ma faaaliga o fua o faatoaga, pei ona saunoa le Minsita o Faatoaga ma Faigafaiva, Laaulialemalietoa Polataivao Leuatea i le talomua a le Itumalo o Siumu i le taeao o le Aso Toonai 28 o Me.
Pei ona ia molimauina mai ai le maeu foi o le lagolago a le au faifaatoaga, i lenei taumafaiga ale malo i lona faiga fou lea ua faatino ai nei. 
Ua le toe la’u atua i Apia oloa e fai ai le faaaliga, ma le tele o tupe alu a le Matagaluega ae o le faatele mea i le aufai faatoaga,  ae ua fai sa’o lava i totonu o itumalo, ma momoli ai le faafetai a le afioga i le minisita , Laaulialemalietoa ile itumalo o Siumu.
Na ia faafetaia foi le afioga i le Faipule ole itumalo, le tofa a Tuuu Anasii pei ona auai ane ai ile faaaliga, e talisapaia le faamoemoe o le malo e atinae ona tagatanuu, ua felanulanua’i le taeao i oloa esese o loo ‘oa ai le laueleele ma tuamaota o Siumu, pei ona molimauina i Taumainuumau ilea taeao.