Ua sainia ai nei le maliega fou ole faapaaga a le Matagaluega o Faatoaga ma Faigafaiva MAF e siitia ai ana talo faatau atu i fafo.
Ile faamatalaga aloaia mai le Matagaluega, o faamauina ai le toe faafou o le faapaaga umi ale MAF ma le PHAMA, poo le Pacific Horticultural and Agricultural Market Access Plus Program (PHAMA Plus) e siitia ai le atinae a le au fai faatoaga, i laau toto e ala I le faatuina o fale laau faapitoa e faafailele ai talo.
O le PHAMA Plus, o loo lagolagoina e Ausetalia ma Niusila, ma galulue faatasi mai ai na malo e lua ma le MAF talu mai le 2011, e atinae oloa faatau atu i fafo a Samoa.
O le feagaiga fou lea ua sainia, MOU a le MAF ma le PHAMA Plus o le’a galulue faatasi ai e unaia le faatupu ma faateleina talo sili ona ‘ano lelei, e ala I le lelei ma lava le tiapula.
Na saunoa ai le Minisita o Faatoaga ma Faigafaiva, Afioga a Laaulialemalietoa Polataivao Leuatea Polataivao Fossie Schmidt O le faapaaga lenei o le a tele sona sao i le ituaiga o talo anagata ia lava ma agavaa e faatau atu I fafo.
O lesi foi lea vaega o le taumafaiga a le MAF, i ana fuafuaga alualu mamao, e gafa ma le Pulega fou mo Oloa faatau atu I fafo, ia ausia lona taunuuga o faamoemoe iai i maketi I Niusila ma Ausetalia, ile mea o tele tagata Samoa o lo o afifio ai ma fai mai le tautua ia Samoa, pei ona saunoa Laauli.
“Ua uma foi ona faamaonia e le malo o Samoa le talosaga mo le fausia o le fale teu oloa I Salelologa Savaii, e fesoasoani i fai faatoaga ma latou oloa faatau atu i fafo.
O le fesoasoani a le PHAMA, ole a tele lona sao ile itu tau oloa gaosi.”
