Ua faamauina mai i le lipoti a le tamaitai Puleaoga o le laumua o le Kolisi o Samoa le susuga ia Karene Faasisila, e toa 193 fanau aoga ua faamanuiaina i avanoa mo le vasega 9 ile tausaga 2024, mai le toa 908 o fanau sa sue ile suega ulufale mai aoga tulaga lua e 129, ae toa 3 o fanau sa ao’oga i atunuu i fafo.
O le lipoti lea na muai saunoa iai le puleaoga o le Kolisi o Samoa i lana lipoti faaletausga ile laugatogi ile faaiuga o le vaiaso.
Saunoa le tamaitai pule o foliga vaaia ia o le naunau o le atunuu ma matua ise vaega taua mo a latou fanau mai se auaunaga faatauvaa mai faiaoga o le Kolisi o Samoa.
Peitai saunoa le Ofisa Sili o Aoga le afioga ia Aeau Christopher Hazelman i lana saunoaga autu, o le faamaoni o le siniautu lea o soo se galuega.
Mai le tausaga faaiu poo le tausaga 13 o le Kolisi o Samoa ua sola ai ma le tamaitai ia Maralisa Sue Enoka le siliaoao o le tausaga 13, 2023.
I lana saunoaga autu na o’o o’o uma lana faafetai ma lana faamalo iai latou na velo aso i lona olaga aoga, amata mai le aiga faiaoga, matua ma le mamalu o le laumua.
O Maralisa Sue Enoka e 17 ona tausaga mai afioaga o Lepa Vailele ma Lotofaga.
