E le’o mapu galuega fesoasoani a le Ekalesia a Iesu Keriso ole Au-paia o Aso e gata ai, LDS, tauala atu i ona itutino eseese.
Pei ona molimauina le vaega talavou mai le Apia West Stake, ile faaiuga o le vaiaso talu ai, ma le vaega talavou, 12-18 tausaga le matutua.
Sa o latou faatino galuega faamama ile lotoa, e ui ole timuga ile faaiuga o le vaiaso, peita’i o le galuega faaauau lea oloo taulamua ai le Peresetene, Susuga Leati Moananu Afatia Siilaga ma faufautua, Palauni Sua ma Junior Elisaia.
O le Ekalesia lea LDS, ua faamauina e ese mai le tausiga o le lotoa, ile faamaina ole vao ma togalaau, ae, o loo faaaua pea foi le fesoasoani maua fua ile aoaoina o fanau aoga, ae o meaaoga, ma taumafa.
Faatasi ai ma le faaoloaina o le Pulega i itu tau i taavale, Van e feavea’i ai fanau o loo ile lotoa.
Saunoa ai le Peresetene, Siliniu Lina Chang, ole Atua lava ia e nate tauia atu le ua fo’ai , ma saga faamanuia atu i galuega alofa oloo faatino e le atunuu lautele.
Taimi nei, e lata ile 100 tamaiti mai le pepa ile 18 tausaga o tausi ai pea ile lotoa, fua lava le tele o tamaiti ile avanoa o fale.
Ua iai foi fale faapitoa mo tina sulufai ma latou fanau, e ese mai fale faapitoa mo fanau ua taofia ai , ua le toe manana’o iai o latou aiga, ma fanau, o lo o faatali le suesuega o a latou mataupu.
Ae o lana faafetai i faalapotopotoga eseese ile atunuu, e aofia ai ma ekalesia, ae o pisinisi ile alofa tula’i pea i aso uma.
