Ua oo atu ile Minisita sinia o le Kapeneta, Susuga Laaulialemalietoa Polataivao Fosi Schmidt le faaleoga ole lagolago a le afioga o Letogo i galuega atinae a le malo.
Peita’i o le afioaga lea o Letogo, o lesi nuu o le Itumalo o Vaimauga 1 o loo tula’i mai ai le Faipule o le HRPP, Sulamanaia Tuivasa Tauiliili.
Ae ole faaleoina ole lagolago a Letogo ile malo a le FAST, na faaleo faatasi atu ai foi ma le latou talosaga, faatatau i fanua o le malo o loo i totonu o Letogo.
Ole talosaga tuufofoga a le Pulenuu ile sui o le malo, ole Minsita o Faatoaga ma Faigafaiva, ia faamatuu ane ni vaega eleele e faalautele atu iai a latou faatoaga ma atinae.
Peita’i e lei gata ai iina manaoga ole talosaga a le Pulenuu o Letogo, na toe tatalo foi mo le fia faaleleia o auala i fanua galue, o faleaoga ma le sapalai o le suavai ile nuu.
Ole feiloaiga a le Minsita o Faatoaga ma le nuu o Letogo i le Aso Faraile talu ai, mo le latou talomua ma sasa ole Sisigafu’a na maua ai ma le avanoa o le afioga o Letogo e momoli ane o latou manaoga. i le malo faaui atu ile sui ole kapeneta.
