Ua toe faaauau ai i lesi lima tausaga le tofiga Ao o le Malo, e le Afioga ile Tama a Tauaana, Afioga Tuimalealiifano Vaaleto’a Sualauvi ll.
Pei ona fofogaina ile Palemene o le Aso 23 o Aokuso 2022 le faamaoniga ole tofiga e le Afioga i le Fofoga Fetalai o le Maota, Li’o Papalii Tae’u Masipau.
E ui ua faaauau mai le tofiga Ao o le malo o Samoa, peita’i o loo faaauau faatasi ma nisi suiga ole faaupuga poo le faalagiina pei ona faamanatu mai e le Afioga i le Palemia Fiame Naomi Mataafa, oni suiga na toe faia e le faigamalo talu ai, i le 2019. Pei ole aveesea o le upu Mamalu i luma ane ole Upu Ao ole malo, ma le aveesea o le upu Masiofo ae suia i le upu Faletua, le to’alua o le Ao o le malo.
O lesi suiga o loo iai ile tofiga Ao o le malo mai le faiga malo talu ai, ua latou faagata i le ta’i lua nofoaiga le e tula’i ile Ao o le malo.
