Fa’auu alii ma tamaitai leoleo e 69 mai aoaoga ile mataupu o le Operational Safety Tactics Training Course
E toa 69 alii ma tamaitai mai le Matagaluega o leoleo ma le Fale puipui ua faaiuina ma le manuia a latou aoaoga sa faatinoina mo le 2 masina.
O ia toleniga faaleaoaoaga sa matele ile aoaoina o Tomai ma le silafia i le Saogalemu poo le Operational Safety Tactics Training Course.
I le maea ane o se sauniga lotu na saunia lea e le susuga ia Harry Brown, na ia faafetaia ai ile Atua ina ua mafai ona latou ausia ma le manuia le isi laasaga o le galuega
Na ia saunoa foi “sa lei faigofie le feagai ai ma aoaoga ile lua masina, o se vaega taua lea ua mafai ona faataunuu le sini autu o le galuega puipuia ma le saogalemu o tagata lautele.
Na avatu foi le faamalo ma le faamalosiau a le Komesina o le leoleo le afioga ia Auapaau Logoitino Filipo ile au faauu ile uma ane ona tufatufa o a latou tusipasi.
“E faamalo le tau ma le finau ma le manatu alofa ile matagaluega ma lana manulauti o le puipuia o le saogalemu o le vaega pito sili ona taua.”
Ma ia aua nei gata le faalauteleina o le silafia ma le iloa ile faatinoina o le galuega.
