A’o amata faagasolo ai faauuga a Amerika Samoa ma Amerika i matu i le uma ane o lana tausaga aoga 2023-2024, ae ole faaiuga o le vaiaso talu ai, na molimauina ai le tumutumu o auaiga ma uo ole faauuga o le tamaitai Samoa muamua sa aoga mai le aoga tuufaatasi a le itumalo o Compton ua faamanuiaina ile faailoga loia maualuga, le tamaitai o Amira Tagaloa Misa Siu Leiataua, 34 ai lenei o ona tausaga.
O Amira, o lesi o le masaga ulumatua a ona matua ia Tagaloa Misa Siu Leiataua ma le tina ia Vaosa Leiataua, o Vaipuna ma Fasitoouta.
O valaaulia ole faauuga e aofia ai le Susuga i le Papalii Ioane Malietoa ma le faletua ia Valasi Unasa Alofa Malietoa mai Samoa.
O tamaitai Samoa lea na mitamita ai foi ona matua ina ua faauu ose Salutatorian o le aoga maualuga a Dominguez ole 2008. Sa aoga ai loa ile Iuniveste-UC Berkeley , sa avea ma sui o le Phi Nu Xi multicultural sorority, na maua lona avanoa e suesue ai ile Pasefika, i le Iunivesite o Aukilani Niusila. Ma galue ai ile falepaepae o Amerika, ile White House Iniative on Asian Americans ma tagata Pasefika.
Ma sue ai lona Masters, ile UCLA, ma ia faiaoga ai loa i tala faasolopito, History ma faiaoga ile au Basket ball a teina ile aoga tuufaatasi a Compton.
O se laasaga faagalo gata i lana tala, le taimi na ia faiaoga ai ile vasega fitu, i le tala faasolopito, history, ma le toe fefe ai loa. I lana tautua lotu sa ave lana misiona i Chiclayo i Peru.
Ma toe foi ane i Amerika, fai ma faatonu o le Student Sucess Dicersity ile Iunivesite o le Kolisi o Utah, ile itu o Acrcitecture and Planning, le vaega tusi ata o fale.
Peita’i ole tausi matua lesi foi na matafaioi, pei ona toe foi ana ai i kalefonia ma tausi lona taina matua ia Faamao, ma tofo ai i lu’itau ole tausi matua, ile sui, faataele, fafaga ole tagata matua, o lana auaunaga i le matua na tausia ia.
O le taimi foi lena na manatu ai e aoga faaloia, ile BYU Association, ma avea ole totino o le Minority Law Student Association, Black Law Student Association, na maua lona avanoa e galue ai mo Justice Pearce ole Utah Supreme court, Senior Judge Ted Stewart ole United States District Court mo Utah, ma le Holland and Hart, o le a galue ai ose associate attorney i Real Estate, Construction, Finance, and Bankruptcy .
Ole tamaitai Samoa muamua mai Compton Amerika ua faamanuiaina i lona faailoga loia, ae o lona lava igoa e fiafia iai, ole anty o Moimoi Lopa, pei ona talatala.
