E 41 alii ma tama’itai, sa aooga faaleoleo ile fa masina ma le vaiaso e tasi, lea ua avea ai nei ma leoleo faauuina, talu mai le faaiuga o le vaiaso talu ai, pei ona faailoa e le faamatalaga faalauaitele a le matagaluega, o leoleo.
Ole aso 27 o le masina talu ai o Me sa faatauto aloaia ai ilatou nei, 21 tamaitai, ma le 20 o alii, sa feagai ai ma toleniga ae o aoaoga faaleoleo , ile na’o le 17 vaiaso.
Ile sauniga o le faauuga sa faatumulia i auaiga ma uo , ae ole upu faamalosiau mai le susuga ile faafeagaiga, Rev Gaolo Elisara. Faatasi ai ma le afioga i le Minisita, Faualo Harry Jeffery Schuster, na ia faamanatu i le au faauu, e faia le galuega ma le faamaoni, faaaloalo, ma le alofa.
Ae o le Sui Komesina, Lafaitele Herbert Aati, na fia faalauiloa le lipoti ole taunuuga o le tapenaina mai o ia leoleo fou, e aofia ai ma le vaega na maua failoga faapitoa ile tulaga silia na maitauina i totonu o le fa masina ole a’oga faaleoleo,
- Constable Rex Ofisa Ioelu Memea Students’ Choice Award.
- Constable Milton Tuaa Uelese Most Discipline Award.
- Constable Vai Sealiitu Loccocca Aisoli Best All Rounder Award.
- Constable Tanai Eteuati Top Student Award for Outstanding Academic Achievement.
E talitonu le pulega o le matagaluega o leoleo, o le’a fesoasoani lea vaega fou o leoleo ile tausia o le filemu ae o le amiotonu, male saogalemu o Samoa.
