O loo faaauau lava ona maua e tamaitai avanoa o galuega e manatu nisi e patino i alii. Ua atili faamaonia lea faaupuga ina ua tau aao aloaia ai ile aso ananafi le tusipasi o le tinā ia Ioana Paulo Avefua 35 tusaga mai Puleia ua avea nei ma Kapeteni tamaitai muamua i Samoa.
O Ioana o loo ia umia faailoga maualuluga mai le Iumivesite Aoao o Samoa,i mataupu tau tomai o alii ma tamaitai e galulue i luga o vaaalalo.
Peitai o le amanaia tele ai e le Pulega o Uafu a Samoa le nei tofiga na faia ai se sauniga faapitoa e faafetaia ai le tapaau sili i luga ona o ana faāanuiaga i soifua o tgt Samoa.
Na auai le aufaigaluega a le Pulega o Uafu ae o uō ma auaiga o le tina ia Ioana e molimauina taunuuga lelei o ana galuega.
O Ioana ua toa 3 lana fanau ma o ia foi o le tamaitai muamua o Samo ua faamanuia ina i le tofiga Kaputeni i luga o vaaalalo.
