Ua ave le faataua a le Palemene o Samoa ile valaaulia paia mai le faauuina ole tofiga Akiepikopo, o Father Mosese Vitolio Tui, ua tolopo ai lana fono ile aso ma le aso 23 Aokuso 2024.
O sasa ole faauuina ole tofiga maualuga ole Ekalesia Katoliko Roma i Samoa, ole afioga Akiepikopo Mosese Vitolio Tui, na molimauina ai le sauniga ole ava, e lona afioaga o Safotu ile aso 20 Aokuso ile malae ole Ekalesia i Leauvaa.
Ole tofa a Lavea na fai ma fofoga o Finao e momoli le faamanuia ae ole meaalofa faapitoa, o lona too e tauto’alua ai le galuega.
Ma faafetaia ai e le taitai i latou uma na fai sao ile faamoemoe.
Peita’i ole sauniga ole faauuga e faapaia ai le tofiga Akiepikopo ile ole 10am ile taeao ole 22 Aokuso 2024 i Leauvaa, ua e le gata ina ose sauniga paia, ae ole mamalu ua faatumulia ai foi lea itu ole motu o Upolu.
Ile faatasia atu iai o sui ole maota faitulafono o Samoa, ua tolopo ile aso nei 22 Aokuso ma le Aso Faraile ona ole faamoemoe.
Ose tofiga pei ona saunoa le palemia, afioga Fiame Naomi Mataafa, sa nofo tatalo ai le Ekalesia mo le latou tofi, ina ua tuua le malo, e le afioga a Akiepikopo Alapati Lui Mateiliga ia Aperila 2023.
O sasa ole faauuga e faaauau atu ile aso Faraile taeao, ma lipotia e le Talamua Media, ole 10 ile taeao olea faatino ma taitai ai e le Akiepikopo Mosese lana sauniga ole Misisa muamua ile malumalu ole St Therese Pastoral Centre i Leauvaa, ma faia ai faafiafiaga a le vaega talavou, ma faasalalau tu’usa’o e le Talamua na sauniga i luga o lana YouTube Channel.
