Ua tuuina mai ai nei se tala faalauaitele a le Pulega o Tulisi o Samoa, faatatau ile mataupu lea ua lelea i luga o fesootaiga televave, afua mai ni tulisi na le fiafia i le tupe totogi i fale tu matafaga.
Peita o taua e le pepa o faamatalaga mai le pulega o Tulisi, mo tagata asiasi mai i Samoa ma le lautele, o fale tulisi i matafaga i Lalomanu, o loo i lalo o le ATA, Aleipata Tourism Alliance, ma o loo lagolago iai le STA Samoa Tourism Authority poo le Pulega o Tulisi a Samoa, ma ua tagai ai nei i auala e tali atu ai i le mataupu na molimauina i luga o fesootaiga televave, pei ona tetee ai tulisi i tupe totogi i matafaga, mo le faaaogaina pe uia foi .
Ma ua taunuu ai le pulega o le Tulisi ise fuafuaga e faia sana feiloaiga ma le pulega o le ATA Aleipata Tourism Allinace.
E faatalanoa le mea na tupu, ma faia ai loa ni aiaiga, e aofia ai, le faatutusa o tupe totogi ma faailoilo, e fesoasoani i le puipuia o faipisinisi, ae o le silafia o tagata asiasi, ia sootaga ise ata matagafie o Samoa i tala ave.
Talu ona toe tatala alavaa ma tuaoi faavaomalo, o faletalimalo lava lea ua amatai foi ona manuia i le gasolo mai o tagata asasi mai, ae o isi foi itu ole manuia ole tatou tamaoaiga.
Ma ua toe amata foi faalauiloa a le Pulega o Tulisi, STA i luga o ala faasalalau. Ma ua ofo atu foi le fesoasoani a le PUlega a Tulisi i ana paaga, ose vaega o le sao faifaatasi ile toe unaia lea o tamaoaiga mai Tulisi.
