4 Fepuari 2025, Samoa -E ui ua vaimama le suavai mita a le malo, ma faatusalia ai le ausia o le vai faatulagaina e le WHO, pei ona faalauiloa e le pulega ole Suavai,
Ae o loo taulia lava ituaiga o faguvai eseese o faatau i faleoloa.
Ua lua ai masina, talu mai Tesema 2024, le taimi lata mai na faia ai suesuega o vai o faatau atu faalauaitele ile atunuu.
Ma faamauina e le matagaluega ole soifua maloloina le saogalemu ai suavai mai le 16 kamupani o latou faataua le vai ile tatou atunuu.
E aofia ai: le Iceland water, Ocean Blue Water, Samoa Pure Water, Serenity Water, Le Vai, Natural Samoa Water, R & J Refill, Samoa Water, Samoa express refill, Olivia refill, vai water, Clear water, Paradise Purified, Vaipuna Artesian, ma le Waves pure water.
Ua maitauina, e ui ole mama ma saogalemu le paipa mita a le malo, ile taumafa, ae o loo faatupualia pea le aofai o pisinisi vai, ile atunuu.
E ese mai le vai tumaoti, lea foi na molimau le faipule mai Salafai, o lo o taumamafa ai se vaega o lona itumalo, o loo saogalemu foi ma mama.
Ole tulaga foi lena, o suavai, mai vaieli ma vaipuna i isi nuu, o molimauina foi lo latou ausia o tulaga faalesoifua maloloina.