Ua tuumamaina ile na’o le lua tausaga ma le fitu masina lea ua toe foi ai ile falepuipui le alii ia Ioelu Mamea o Saasaai Savaii, e fai aso maliu ai.
Ina ua toese ai le taimi na taofia ai I lalo ole vaaiga a leoleo ae o talia le faaiuga a le faamasinoga ile masina nei, i lona moliaga o le fasioti tagata pa’ivalea.
E ui ina sa teena e lea alii, lona moliaga peita’i na ia toe ioeina ma maua vave ai lona faasalaga.
Ole solitulafono ose feeseeesaiga na tupu ile va o Ioelu ma lona uso faaletulafono (brother in law).
Sa tuuina atu e leoleo molimau e faamaonia ai ole maa na faaaoga ile faaoogalima, ma le ogaoga ole manuaga, pei foi ona molimau mai le falema’i, na maliu ai.
Sa iai foi ona itulelei, na tolaulau, ae ose faaoogalima pa’ivalea na ia ioeina, ile silia ma le tausaga, ua toe foi ai nei i Tanumalala mo le lua tausaga ma le fitu masina.
