O lea fai kilisimasi ai i le toese le alii talavou lea sa ia faaoolima i alii malu o le malo, ile faalavelvae lea sa tulai mai i luma o le falekalapu o le 75 i le masina o Oketopa o le tausaga nei.
I le maea ane ai o lana mataupu i le amataga o le vaiaso nei ma ia ioeina ai moliaga a leoleo e faasaga ia te ia, o le umia o fualaau faasaina atoa ai ma le faaoolima i leoleo.
Peitai i faamaumauga a le itu a leoleo o loo manino ai, o le faasuava tele o le alii na ia lafo ai ni upu faasausili i alii malu o le malo ao faia le galuega masani a leoleo i fafo ane o le fale kalapu.
O le taumafai atu o alii malu nei e faato’ato’a lenei alii ma ia kolaina ai loa le ofu o se tasi o alii leoleo, ma iu ai lava i le ofisa o leoleo ma maua ai o loo ia umia se lala mariuana.
Ae e lei mafai ai ona tuua ai le faavevesi o lenei alii ma iu ai lava ina faaoolima i le alii malu o le malo,
Na amata mai le fua a le Faamasinoga i le 12 masina, peitai ona ua vave ioeina e Opetaia moliaga, sa toesea ai le isi 4 masina, ma totoe ai loa le 8 masina e nofo sala ai i le falepuipui.
