Ao faagasolo a le fonotaga a le EFKS i lenei masina ae e leo malolo ai lo latou lima fesoasoani lea e tauala i seleni tetele ua latou ofoina atu e fesoasoani ai i mea faalelei i totnu o le atunuu.
Na asia e le sosaiete a le tautua o puapuaga o tagata a le Ekalesia Faalapotopotoga Kerisiano Samoa le matagaluega a le soifua maloloina I le vaiaso ua mavae atu.
Ma na latou ofoina atu ma latou agalelei ai le $70,000 tala o le latou foai e ave mo le matagaluega o le soifua maloloina.
O lenei seleni sa latou fuafuaina e tufatufa I tua I nisi o falemai tumaoti e tolu e aofia ai ma le falemai autu o loo motootua.
E $30,000 sa ave mo le Falema’i faamama toto i Upolu.
$20,000 – Falema’i faamama toto i Savai’i
$10,000 – Falema’i tele i Motootua (TTM)
Faapea ai ma lesi $10,000 lea sa ave mo le – Falema’i i Tuasivi i Savai’i (MT2).
Ma na momoli ai le agaga faafetai a le faatonusili o le matagaluega o le soifua maloloina le afioga ia Aiono Dr Alec Ekeroma I le sosaiete faapea ai ma le ekalesia a le EFKS I lenei foai taua ua latou agalelei ai I lea aso ua avea lea ma fesoasoani aua le toe faaleleia ai o nisi o vaega o le falemai ao mea fai foi a le matagaluega.
