E tolu Pulega a le Malo lea ua sainia aloaia le latou faiga paaga atu ma le aoga Ausetalia i matata eseese le APTC.
O ia Pulega e aofia ai le Pulega o Malosiaga faa eletise (EPC), o le Pulega o Felauaiga ile Lau eleele (LTA), ma le Pulega o le suavai (SWA)
E tasi lava le manulauti ua faia ai lenei faiga paaga ia mafai ai ona toe agai aufaigaluega mai Pulega nei e toe aoaoina ile APTC i mataupu eseese e sootaga ma galuega o loo galulue ai.
Ina ia faalauaitele le silafia ma le malamalama i nisi o vaega o le galuega e lei mafai ona oo iai pe o le leo iai foi se malamalamaaga ae o loo manaomia le faaleleia.
Taua e le Ofisa Sili o le Pulega o le Suavai le afioga ia Fuimaono Dominic e le fou lenei sainigalima ma lenei faigapaaga ile latou pulega aua ua maea le isi a latou faiga paaga ma le APTC
Ma o se vaega taua o nei faiga paaga e toe matimati ai le ola galuega o le aufaigaluega mai totonu o Pulega eseese nei.
Ma o lenei faiga paaga pei ona taua e Fuimaono e faamaeaina ile amataga o le tausaga e 2025.
