O le Aso Faraile nei na tau a’ao ai le $20,000 ma tatala aloaia ai le faiga paaga a le faletupe o le National bank of Samoa ma le Asosi siisii u’amea mamafa a Samoa, ma ua faaigoaina ai ile Samoa National Bank Samoa Weightlifting team Samoa.
O le auga ma le faamoemoe o lenei faiga paaga o le fesoasoani malosi lea a le faletupe mo le auai atu o le au taaalo i taaloga o loo loma nei le Oceania, ae o le Olympic Qualifier lea o lea faia nei i Niusila i le masina nei.
Pei ona saunoa le faiaoga ulu le afioga ia Tuaopepe Jerry Wallwalk o le agaga fiafia ma le faafetai i le faletupe a le National Bank mo lenei faigapaaga ua amatalia i le tausaga lenei 2024.
E oo foi i toniga taalo a le Asosi ua maea foi ona faapipii ai le faailoga a le fale tupe o le faailoga o le lagolago malosi atu i lea foi Asosi taalo a le tatou atunuu o loo fai ma ave fu’a a Samoa i le faaga tama o le siisii uamea mamafa i le Pasefika ma le lalolagi atoa.
