Na faalauiloa ai ile aso se ata tifaga o loo pueina i laufanua o Samoa e le falepueata mai Niusila o le Turtle Shark ma ua aapa atu ai nei lima fesoasoani a le Kamupani a le Vodafone e faalauiloa ma lagolago.
O lenei ata ua faaigoaina “The Samoan Deal” ma ua tuufaatasia e se vaega e taua Palagi team, ma o se ata Samoa lea muamua lea ua mafai ona toe pueina talu mai le tausaga e 2016.
I le faatalanoaga a tusitala ma le faatonu sili o le ata le susuga ia Mathew na ia faamatala ai le tele o se aoaoga o lenei ata ua latou tuufaatasia ma faaoga ai e le gata o tagata Samoa ae o le aganuu o Samoa.
Ma o lenei foi ata ua faaalia ai e le gata o tu ma aga faasamoa ae o tiute tauave ma nafa o se aiga Samoa moni aemaise lava i nuu ma afioaga i tua, ma taua foi e le alii palagi ia Mathew
E maea ane le pueina o lenei ata tifaga ua matuai oo lona loto le taua ma le loloto o le uiga moni o le aganuu faasamoa e le faigofie ae ua faigofie mea uma ile alofa.
Peitai i le tatou faatalanoag ma le tama Samoa o loo auai i lenei ata tifaga, sa lei faigofie ia ia ma lona aiga le auai e faatino lenei ata, ae ile maea ane o se faamanuiaga mo ia ma le atinaeina o lona lotoifale.
Ma e le na o lona aiga o loo manuia ai, o loo aofia ai foi ma le afioaga o le atu Aleipata, Saanapu ma nisi o afioaga o loo auai o latou tagata i le tuufaatasia o lenei ata tifaga
Saunoa Mathew o le auga atoa o lenei ata o le momoliina atu lea o le aganuu a Samoa ae pola puipui atu e le tala lelei ma foliga vaaia o amioga o le tagata Samoa moni aofia ai ma taleni o loo taotaomia i lagona ma manatu o tagata.
Ua iai le faamoemoe o le Tutle Shark o le faipaaga ai ma le Kamupani telefoni o le Vodafone o lea fesoasoani tele e faalauiloa atu lenei ata pea tuuina aloai mai tua mo le maimoaga a le Atunuu ile aso 14 o Fepuari.
