E tolu lelei vaiaso atoaatoa sa vaavaalua ma galulue faatasi ai le Pulega o tineimu a Samoa ma le Ofisa o tineimu a Niusila ile faia lea o ni o latou aoaoga faapitoa mo le faalauteleina o le iloa ma silafia i le galuega faa tineimu.
E lata i le toa 30 le aofaiga o le aufaigaluega mai ofisa galua sa faamanuiaina i le na tolu vaiaso o aoaoga faapitoa.
Ma sa taitaia lena faamoemoe taua e se tasi o alii fuimu mai le Ofisa o Niusila.
Peitai o le auga ma le faamoemoe maualuga o na aoaoga, o le faasauni atu lea o itutino uma o le galuega faatineimu ile fonotaga a ulu o malo ole taupulega lea e faia mai i Samoa.
O le tele lava ia o Matagaluega a lo tatou malo pei ona iai nei, ua faasolo a latou aoaoga faapitoa ma nisi o ofisa i fafo ina ia mautinoa ia lava tapena mo le na taligamalo tele.
I le maea ai o le tolu vaiaso o aoaoga ma faataitaiga a Ofisa o tineumu e lua na tauaao ai loa o latou tusipasi o le faailoga o le lava tapena ma le sauni e tali atu i faalavelave tau mu e ono tutupu faafuasei mai i le vaitaimi o le taligamlo.
