Ua folafola e le sui Palemia o le malo o Niusila, Vaovasamania Wilson Peters, ile la feiloaiga ma le Palemia o Samoa ile faaiuga o le vaiaso nei, Fiame Naomi Mataafa, e tele mataupu tuua e sootaga ile , feagaiga o le Maliega lea ua toe faafou.
E aofia ai mataupu e tatau ona ave iai le faamuamua, e aofia ai le mataupu tau i femalagaiga, ma le RSE Regional Seasonal Employment scheme.
Ae o le mataupu i le malaga saoloto atu o Samoa i Niusila , e le’o iloa ai se tonu o lena mataupu, ile taimi nei.
O ananafi lea na sainia ai le toe faafoua ole maliega a NIusila, faaauau ai pea lana fesoasoani mai ia SAmoa, e galulue faatasi ai i ana atinae’ .
O Samoa lesi atunuu ole Pasefika o loo ile lisi a le sui Palemia o Niusila, o aga masani ai lava, talu ona sainia lenei Maliega fapaaga ile 2019.
Saunoa foi le afioga i le Palemia, Fiame, “ose avanoa mo Samoa e toe maua ai sootaga ma fafou lana faapaaga, aemaise o le faigamalo fou o iai, i itu e galulue fegalegalea’i ai.
O isi itu o loo amanaia i le faapaaga lenei, o le fesoasoani mai a Niusila ile taligamalo a Samoa ia Oketopa i le CHOGM, fono a taitai o malo ole Taupulega, ae o aafiaga i suiga o le tau, o le atinaeina o tagata soifua ma le tamaoaiga, ae o le puipuiga ma mataupu tau ile Siosiomaga.
