Faia pea sueseuga a leoleo i isi leoleo o faaaogaina fualaau faasina

SHARE NOW

Ua agai atu le Matagaluega o leoleo ma Falepuipui e aveese leoleo o loo faaaogina fualaau faasaina, ma o loo mata’ituina ai foi i le taimi nei le faamalosia ai lea ona fai sue’ga a leoleo.

Pei ona faamaonia e le sui Komesina, Susuga Papalii Monalisa Tia’i Keti i le feiloaiga ma Tusitala. I le uma ane ai o le osofaiga a leoleo i Lotopa ma maua ane ai aisa ma le silia i le 10afe tala o tupe eseese.

Na ia ta’ua ai o loo iai nei le matagaluega i tulaga tau amata o le faia o suega o fualaau faasaina a leoleo, ia amata ai le manaoga e aveese leoleo o latou tagofia ma faaaoga fualaau faasa.

I le masina o Mati , e tolu leoleo na molia e le pulega i tuuaiga e sootaga i fualaau faasaina, ile uma ane o suesuega a le PSU, police standard Unit, ina ua alia’e o latou igoa i tagata na tuuaia foi i isi osofaiga a leoleo i fualaau faasaina i luma atu.

Peita’i i le masina i luma atu, o Fepuari na tatou feiloai ai ma le afioga i le Minisita o Leoleo ma Falepuipui, Faualo Harry Schuster, ma ia taua ai le faia lea ose suesuega faalelotoifale a le matagaluega, e aveesea ai leoleo , le faamaoni i totonu o le matagaluega, pei ole aafia i le faatauina o le fualaau faasaina.  Saunoa foi le minisita i lona faamalosia’au atu lea i le pulega o leoleo e faia na suesuega faasaga iai latou o masalomia.